قاجارلار دوورونده تبریز شهرینین مد نی انکشافی

تبریز شهری اورتا عصرلرده بیر نئچه ایمپئرییانین پایتاختی اولموشدور. قاجارلار دوورونده ایکینجی پایتاخت اولسا دا، فاکتیکی اولاراق مد نی، سیاسی، اقتصادی باخیمدان دوولتین بیرینجی شهری ساییلیردی. قاجارلار دوورونده اولکه نین آوروپا ایله مد نی یاخینلاشماسی، خالق معیشت و مدنیتینه غرب تاثیرلرینین داها قاباریق نفوذ ائتمه سی مشاهیده ائدیلیردی. بوندان اونجه (آغ قویون لو، صفوی لر زامانی و س.) آوروپا دوولتلری ایله باش توتان علاقه لر سیاسی و تجاری کاراکتئر داشیییردی. غرب مدنیتینه یاخینلاشما ناصرالدین شاه قاجارین روسییا و آوروپا سفرلری (1873، 1878، 1889) ایله داها دا سرعتله ندی. نتیجه ده غرب و عنعنوی یئرلی عنصرلرین چولغالاشماسی ایله قاجارلار دوورونون اوزونه-مخصوص مد نی ارثی فورمالاشدی. زلز له لر و خاریجی هوجوملار اورتا عصرلر بویو تبریزین اینکیشافینی لنگیدیردی. لاکین 19-جو عصرین 30-جو ایللرینده محاربه لره سون قویولماسی و سیاسی ثابت لیک شهرین مد نی یوکسلیشینه زمین یاراتدی. تبریزده اولکه مقیاسیندا چوخلو سایدا یئنی لیکلر (ایلک دفعه چاپخانا، تئلئفون خطی، الکتریک، عمومی کیتابخانا، یئنی تیپلی مکتب، اوشاق باغچاسی، لال و کارلار اوچون مکتب و س.) تطبیق ائدیلدی. بونا گوره ده تاریخ شناسلیق دا تبریز «بیرینجی لر شهری» آدلاندیریلیر. قاجارلار دوورونده شهرده یئنی اجتماعی بینالار (مسجیدلر، مدر سه لر، حاماملار، کاروانسارالار و س.) تیکیلیر، میدانلار، باغ و پارکلار سالینیر، بازار مجموعه سی انکشاف تاپیر، شهر گوندن-گونه گوزللشیردی.