سیف الدین رضاسوی، نظامی نین ملی و ادبی کیملیگی حاقیندا
اوزت مقالهده آذربایجاندا نظامینین حیاتی، شخصیتی، دوورو، دونیاگوروشو و حیاتا باخیشلارینین آذربایجان ادبیاتشناسلیغیندا تدقیق تاریخینه قیسا نظر ییتیریلیر، آذربایجاندا نظامیشناسلیغینین تاریخی مرحلهلری شرطی بولگو اساسیندا ویریلیر و آذربایجان نظامیشناسلیغینین انکشاف دینامیکاسی شرح اولونور. بو مرحلهلر ایچریسینده خصوصی فرقلهندیریلن اوچونجو دوورده، یعنی آذربایجان نظامیشناسلیغیندا قاداغالارین آرادان قالخدیغی، فاکتلارا یینی بوجاق آلتیندا باخیشین مومکون اولدوغو، شاعرین ادبی ارثینده تورکلویون، دینی-تصوفی باخیشلارین و حاکم دایرهلره مناسیبتین اوبییکتیو تحلیلینین ریاللاشا بیلدیی بیر دوورده نظامینین ملی منسوبیتی و ادبی کیملیگی پروبلیمینین شرحینه دقت ییتیرهن عالیملر حاقیندا قیسا معلومات ویریلیر.
بو عالیملر ایچریسینده اوز تدقیقات اصوللاری ایله فرقلهنن آذربایجانین فولکلورشناس عالیمی سیفالدین رضاسویون علمی آراشدیرمالاری ایسه خصوصی دقت مرکزینه چکیلیر. اونون مونوقرافییا و علمی مقالهلری بازاسیندا داهی انتباه شاعری نظامی گنجوینین ملی منسوبیتی پروبلیمینین قویولوشو و حلی مسیلهسی آراشدیریلیر. شاعرین آذربایجان تورکو اولماسینین علمی اساسلارلا ثبوتا ییتیریلمهسی میتودیکاسی مقایسهلی شکیلده تحلیل اولونور. نظامینین ملی ایتنیک کیملیگی ایله یاناشی، اونون ادبی تفکورو اعتباریله ده بیر آذربایجان تورکو اولماسی مسیلهسی عالیمین تدقیقاتلاریندان گتیریلن نمونهلر اساسیندا ثبوتا ییتیریلیر.
مقالهده سیفالدین رضاسویون «نظامی پویزییاسی: میف-تاریخ کونتیکستی» مونوقرافییاسی، «نظامی گنجوینین ملی و ادبی کیملیگی حاقیندا»، «نظامی تورکلویو» کیمی مقالهلرینه استنادلار اولونور.
- حق عضویت دریافتی صرف حمایت از نشریات عضو و نگهداری، تکمیل و توسعه مگیران میشود.
- پرداخت حق اشتراک و دانلود مقالات اجازه بازنشر آن در سایر رسانههای چاپی و دیجیتال را به کاربر نمیدهد.