قاجارلار سلاله سی، تذکره چی لر خاندانی
اوزت:آذربایجان تذکرهچیلیگی دیدیکده آذربایجانلی مولفلرین تورک و فارس دیللرینده یازدیقلاری تذکرهلر نظرده توتولور. آذربایجان تذکرهچیلیگی ده عثمانلی تذکرهچیلیگی کیمی 16-جی عصردن اعتبارا هرات تذکرهلرینین تاثیری آلتیندا یارانیب انکشاف ایتمیشدیر. زنگین انکشاف یولو کیچمیش آذربایجان تذکرهچیلیگی ایندییه کیمی سیستیملی و نظری تدقیقاتدان کناردا قالمیشدیر. آذربایجان تذکرهچیلرینین قلمه آلدیغی 46 تذکرهدن 8 آذربایجان تورکجهسینده نشر اولونموشدور.
آذربایجان تذکرهلرینی یازیلدیغی دوور و مکانا گوره سیستیملشدیرن زامان آذربایجانلی مولفلر طرفیندن 16-جی عصرده 4، 17-جی عصرده 2، 18-جی عصرده 5، 19-جو عصرده 22، 20-جی عصرده 12، 21-جی عصرده ایسه 1 تذکرهنین یازیلدیغی معلوم اولموشدور. اونلار اوز تذکرهلرینی اردبیل، تبریز، اصفهان، شاماخی، لنکران، شوشا، کوتاهیا، حیدرآباد، مکه، باکی و س. کیمی مختلف جغرافی اراضیلرده قلمه آلمیشلار.
آذربایجان تذکرهلری ایستر دیل اوزللیکلری، ایستر ترتیب اوصولو و ایسترسه ده مضمون اعتباریله اوریژینالدیر. بو تذکرهلری دیل باخیمیندان دهیرلندیررکن 5 قروپدا تصنیف ایتمک مومکوندور:الف) تحکیه حیصهسی تورکجه یازیلان و یالنیز تورکجه شعرلردن نومونهلری احاطه ایدن تذکرهلر؛
ب) تحکیه حیصهسی تورکجه اولان، هم تورکجه، هم ده فارسجا شعرلردن اورنکلرین ویریلدییی تذکرهلر؛
ج) هم تحکیه حیصهسینین، هم ده پویزییا نمونهلرینین ایکی دیلده (تورکجه و فارسجا) یازیلدیغی تذکرهلر؛
د) تحکیه حیصهسی فارس دیلینده قلمه آلینان، هم فارس، هم ده تورکجه نمونهلرین تقدیم اولوندوغو تذکرهلر؛
ه) هم تحکیه قیسمی، هم ده شعر نمونهلری فارسجا اولان تذکرهلر.
آذربایجان تذکرهلرینی احاطه ایتدیکلری جغرافییایا گوره اوچ نووعه: عمومشرق، عمومآذربایجان و محلی تذکرهلره آییرماق مومکوندور. آذربایجان تذکرهلری بحث ایتدیکلری زامانا گوره معین زامان دیلیمینی احاطه ایدن تذکرهلردن و زامان محدودیتی قویولمایان تذکرهلردن عبارتدیر.
آذربایجان تذکرهچیلری اوز اثرلرینده معلومات ویردیکلری شاعرلری طبقه، الفبا، جغرافی، خرونولوژی پرینسیپلره گوره تقدیم ایتمیشلر. بعضی تذکرهچیلریمیز ادبی نمونهلرین ژانرلارینا گوره اوز تذکرهلرینی ترتیب ایتمیشلر. سیستیمسیز قلمه آلینمیش تذکرهلریمیزه ده راست گلمک مومکوندور.
آذربایجان تذکرهلرینین بعضیلرینین مولفلری شاهزادهلردیر. بیله کی، فتحعلی شاهین اوغوللاری و نوهلری اولان قاجار شاهزادهلری طرفیندن بیر سیرا شورا تذکرهلری قلمه آلینمیشدیر. قاجارلار اصلن آذربایجان تورکلریندن اولوب، تخمینا 130 ایل بویونجا ایراندا شاهلیق ایتمیشلر. آپاردیغیمیز آراشدیرمالار نتیجهسینده دییه بیلریک کی، دیگر تورک خالقلاریندا بیر نسلین نمایندهلرینین تذکره یازما عنعنهسی اولمامیشدیر. 9 قاجار شاهزادهسی (محمود میرزه، سیفالدوله سلطان محمدتقی، بهمن میرزه، هولاکو میرزه، خداویردی خان، محمدباقرخان، حیدرقولو میرزه، محمدقولو میرزه، علیرضا میرزه) فارسجا 11 تذکره قلمه آلاراق تذکرهچیلیک تاریخینی زنگینلشدیرمیشلر. حاضیرکی مقالهده خرونولوژی پرینسیپ اساسیندا اونلارین تذکرهلری حاقیندا معلومات ویرهجهییک.
تذکره ، قاجارلار ، آذربایجان تورکلری ، فارسجا ، 19-جو عصر
- حق عضویت دریافتی صرف حمایت از نشریات عضو و نگهداری، تکمیل و توسعه مگیران میشود.
- پرداخت حق اشتراک و دانلود مقالات اجازه بازنشر آن در سایر رسانههای چاپی و دیجیتال را به کاربر نمیدهد.