کورد و فەلسەفە: ئاوڕیک لە پیوەندیی نیوان فەلسەفە و ئەدەب لە ڕوانگەی عەلائەدین سەجادی یەوە

پوختەعەلائەدین سەجادی لە کتیبی”میژووی ئەدەبی کوردی“دا بەشیوازیکی بەراوردکارانە هەوڵی داوە بنەمایەک بۆ تویژەرانی بواری ئەدەبی کوردی دابمەزرینیت و سەربوردەی ئەزموونی”ڕۆحی نەتەوەیی“کورد لەو بوارەدا بگیڕیتەوە. سەجادی لە بەشیک لە کتیبی ناوبراودا لە ژیر ناونیشانی”کورد و فەلسەفە“بەکورتی و بە کوردی هەندیک پرس و بابەت لەمەڕ فەلسەفە و پیوەندیی نیوان فەلسەفە و ئەدەب، دەسپیک و پیناسەی فەلسەفە و هەروەها”فەلسەفەی کوردی“دەورووژینیت کە شیاوی سەرنجن. بەهۆی ئەوەی کە ئەو بابەتەی سەجادی لەمەڕ فەلسەفە وەک یەکەمین ڕوانینی نووسەریکی کوردە بۆ بواری فەلسەفە بە زمانی کوردی، بۆیە بەشیاوی ئەوەمان زانی کە بەوردی ئاوڕی لی دەینەوە. نووسەری ئەم وتارەی بەردەست بە میتۆدیکی دیاردەناسانە- هیرمنۆتیکی یەوە هەوڵی داوە کە بەستینی تیفکرینی سەجادی و هەروەها شیوەڕوانینی ئەو بۆ ئەدەب و فەلسەفە دیاری بکات و ئەو بەشەی کتیبی”میژووی ئەدەبی کوردی“لە چوارچیوەی”پڕۆژەی فەرهەنگی“ناوبراودا بخوینیتەوە. بەگشتی، نووسەر بە خویندنەوەی دەقی بەشی”کورد و فەلسەفە“ڕیگەی بۆ ئەوە خۆش کردووە کە بە پشت بەستن بە تیڕوانینیکی هیرمنۆتیکی بۆ چەمکی”دەسپیک“، لە نیو دەقەکەی سەجادی شدا دوو واتای جیاواز بۆ دەسپیک و ئەگەری دەسپیکی فەلسەفە لەنیو هزری کورددا بدۆزیتەوە. پرسی سەرەکی نووسەر لیرەدا ئەوەیە کە ئەبیت پیناسەی سەجادی بۆ ئەدەب و فەلسەفە چی بووبیت کە لە کتیبیک لەسەر میژووی ویژەی کوردی، باس لە فەلسەفە و”فەلسەفەی کوردی“دەکات؟